На родителска средба во едно скопско училиште, наставничката побарала родителите да ги потпишат тестовите по математика за да потврдат дека ги виделе оценките. Двајца родители го прочитале првото прашање, размениле погледи и побарале да дојдат на поправен. Едниот понудил да остане и по состанокот ако наставничката му даде уште еден обид.

„Ќерка ми имаше четворка. Се обидов да видам каде згрешила и заглавив пред да стигнам до нејзината грешка“, рече таткото. Мајката од соседната клупа предложила да решаваат заедно. Се разделиле кога утврдиле дека и двајцата знаат да ја решат само последната задача.

Наставничката објаснила дека од нив се бара само потпис. Родителите се согласиле, но побарале да не им ги враќа тестовите дома додека не им покаже барем една постапка. По десет минути на табла, дел од присутните почнале да фотографираат за да им објаснат на децата како се решава.

Следниот ден таткото ѝ ја покажа постапката на ќерка си. Таа му стави четворка бидејќи стигнал до точниот резултат, ама не знаел да објасни како.