Агент за недвижности вчера ѝ покажа на скопјанка стан со, како што го опиша, проточен распоред. Сопственикот морал да излезе во ходникот на зградата за таа да може да помине од дневната до спалната. Додека излегувал, на тесното го сретнал агентот, кој тргнал да ѝ покаже каде се влегува во бањата.

„Му реков на газдата да се врати назад, оти јас требаше да одам напред“, рече агентот. „Тој ми рече дека назад му е спалната, а таму треба да влезе госпоѓата. На крај ја замоливме таа да почека во дневната додека утврдиме кој од нас е поблиску до излезот.“

Потстанарката прашала дали во станот може да живеат двајца. Сопственикот рекол дека може, па го замолил агентот да се повлече за да ѝ покаже како минувале тој и сопругата. Таа, објаснил, обично чекала во кујната, од каде што можела да чуе кога тој ќе стигне во спалната.

На крајот агентот предложил второ разгледување. Овојпат ја замолил потстанарката да дојде сама, за да го види станот во полн капацитет.