Вработен во скопска фирма вчера даде отказ и на излегување доби задача да го обучи новиот колега како да си замине. Раководителката му подала лист со распоред за примопредавање додека тој стоел кај вратата во палто. Првата точка била да му покаже на новиот колега кај кого се остава отказот кога раководителката е на состанок.

„Му покажав каде седам, ама ме поправија дека тоа ќе го поминеме ако остане време“, рече вработениот. „Прво требаше да му кажам како да ги собере колегите за да им соопшти дека си оди, без некој да го праша дали го завршил извештајот.“

Новиот колега уредно го повторил примерот и на крај прашал што ќе работи до тогаш. Раководителката му рекла дека со тоа ќе го запознае човекот од следната смена, кој моментално бил зафатен со предавање на својата работа на човекот што го менува.

На крајот вработениот прашал дали може да си оди. Раководителката му рекла да почека уште пет минути, за новиот да види како се одговара на тоа прашање.