Сопственик на стан во Скопје вчера потврди дека влезната врата е вклучена во киријата, а заклучувањето се плаќа одделно. Потстанарката го дознала тоа при примопредавањето, кога добила два клуча и ја прашала газдата кој е од влезот. Тој ѝ покажал кој смее да го заврти докрај без доплата. Бил од спалната.

„Може да си ја затворате вратата колку сакате“, објаснил сопственикот. „Заклучувањето е за тие што сакаат да бидат сигурни дека никој друг нема да влезе. Ако сте дома, можете да си седите и да видите кој доаѓа. Тоа не ви го наплаќам.“

Потстанарката прашала дали може да плаќа само за деновите кога оди на работа. Газдата ѝ понудил поевтина тарифа за осум часа, со услов да се враќа навреме за да отклучи. Кога му кажала дека понекогаш останува прекувремено, тој ѝ предложил да го остави клучот кај него за да ѝ заштеди на доплата.

Двајцата на крај се договориле киријата да остане иста. Газдата го зел резервниот клуч и од ходникот ја прашал дали сака да ѝ заклучи за првиот ден, додека понудата е бесплатна.