Скопска фирма им понуди на вработените исплата на плата во петок, а на првиот петок по потпишувањето соопшти дека договорот се однесува на денот во неделата. Сметководството дополнително ќе утврди во која недела ќе се изврши исплатата. Дотогаш, според управата, сите петоци остануваат во игра.

„Им реков дека киријата ми е на први. Ми предложија и јас да му кажам на газдата дека ќе му платам на први, па дополнително да утврдам во кој месец“, рече вработена. Таа побарала писмена потврда за датумот. Добила потврда дека исплатата сигурно нема да се изврши во четврток.

По разговор со вработените, управата се согласила да објави календар со очекуваните исплати. Сметководството ги обележало сите петоци до крајот на годината, а раководителот побарал да се остави отворена можност и за првиот петок во јануари. За тој датум, додал, веќе имаат согласност од сметководството.

Вработените прашаа дали заостанатата плата ќе биде исплатена пред празниците. Управата соопшти дека датумот ќе го објави во петок.