Скопска галерија синоќа го вклучи единствениот неваросан дел од ѕидот во изложбата откако посетителите застанаа пред него уште на отворањето. Молерот требало да се врати наутро за да го доврши правоаголникот, но кустоската му јавила дека веќе има интерес за делото и го замолила да почека со последната рака.

„Прашаа што сакал да каже авторот. Им реков дека мајсторот ќе дојде утре и може лично да го прашаат“, рече кустоската. Утредента пред правоаголникот го чекале четворица. Кога молерот им објаснил дека му снемало боја, еден посетител го прашал дали недостигот бил планиран уште од почеток.

Галеријата потоа добила понуда да го откупи делото. Купувачот побарал да се извади целиот правоаголник. Молерот му кажал дека може да му го исече, но дека така ќе добијат дупка што ќе мора да се затвори и повторно да се вароса.

Кустоската ја одбила понудата за да не се наруши целината. На молерот му одбиле еден квадрат од исплатата.