СКОПЈЕ — Кандидатка на интервју за работа во понеделникот праша зошто е слободно работното место и доби задача да го испрати претходниот вработен до излезот. Од фирмата ѝ објасниле дека тој сè уште е во зградата и дека во петте минути до крајот на смената може да ѝ даде попрецизен одговор од човекот што го водел интервјуто.

„Ми рече да го прашам по скалите, оти ако се вратиме во канцеларија ќе му дадат уште нешто за довршување“, рече кандидатката. До првиот кат дознала дека претходникот дал отказ пред еден месец. До приземјето ѝ објаснил дека примопредавањето му почнало пред пет минути, кога му рекле дека веќе има со кого да разговара.

Кога се вратила, човекот што го водел интервјуто ја прашал дали ѝ се јасни обврските. Таа му рекла дека ѝ е јасно зошто местото е слободно, но дека сè уште не добила понуда. Тој побарал да почека до утре, бидејќи прво треба да провери дали претходникот навистина си заминал.

Следното утро кандидатката доби повик да дојде на второ интервју. Ја замолија на пат да провери дали е слободно и неговото паркинг-место.