Агенција за недвижности во Скопје вчера организираше разгледување на гарсоњера што досега била достапна само преку виртуелна тура. На закажаниот термин во Аеродром, агентката го пречекала заинтересираниот потстанар на паркинг, пред правоаголник исцртан со креда и дрвена рамка за врата. Го замолила да влезе низ рамката за да добие чувство за распоредот.

„На турата имаше два прозорци и поглед на Водно. Во живо Водно се гледаше од сите страни, ама мораше да се тргнам од дневната за да помине кола“, рече потстанарот. Агентката објаснила дека колата е на соседот и дека тоа во виртуелната тура е прикажано како заеднички простор.

Кога потстанарот прашал каде е бањата, агентката му покажала помал правоаголник кај задното тркало. Тој зачекорил внатре, по што таа го замолила да излезе бидејќи бањата во огласот е достапна само за разгледување од врата.

На крајот побарал да ја види и терасата. Агентката му рекла дека веќе стои на неа и дека, ако сака да влезе назад, ќе мора да почека да се испаркира кујната.