Скопјанка вчера го доврши службениот видеосостанок пред три празни стола во кујната откако апликацијата ги исфрли сите учесници. Раководителката веќе ја имала отворено тетратката со дневниот ред и решила да ги помине преостанатите точки додека колегите се обидуваат повторно да се приклучат. На крајот запишала дека никој не побарал збор.

„Кога имавме врска, на секоја точка некој ќе речеше дека не ме слуша“, рече таа. „Овојпат завршив за дванаесет минути. Партнерот ми влезе да земе вода, ама го замолив да почека за да не внесуваме нови учесници среде гласање.“

Кога повторно проработила врската, колегите добиле записник во кој пишувало дека немало забелешки. Тројцата веднаш побарале исправка. Едниот имал забелешка на првата точка, вториот на третата, а третиот побарал во записникот да влезе и дека се обидел да влезе.

Раководителката закажала нов видеоповик за да ги слушне. На партнерот му рекла дека овојпат слободно може да влезе во кујната, ако прво напише во групата дека не ја слуша.