Скопјанка синоќа го вклучи режимот „Не вознемирувај“ и си легна, по што тројца другари ѝ заѕвонија на врата да проверат зошто не одговара. Друштвото претходно добило известување дека ѝ се стишени пораките. Сите се согласиле да ја остават на мир, но во групата никој не знаел до колку.

„Прво ѝ пишав дека не мора да враќа“, рече другарка што дошла да ја провери. „После ја прашав дали го прочитала тоа. Со другите се договоривме само да поминеме, за да не ѝ пишуваме цела вечер. Кога отвори во пижами, конечно имавме одговор зошто не враќа.“

Станарката им објаснила дека известувањата повторно ќе ѝ се вклучат во седум часот. Еден од другарите погледнал колку е часот и предложил тогаш да го продолжат разговорот. Другарката побарала да ѝ кажат сега што имале, за утре да не мора да стануваат сите во седум.

По заминувањето, тројцата ѝ пишале во групата дека стигнале дома. Во седум наутро станарката ги добила и трите пораки, заедно со прашањето дали конечно успеала да се наспие.