Апликација за пораки воведе можност корисникот да напушти група без известување за останатите. Едно друштво ја испроба новата можност во четвртокот, кога бројот на членови падна од девет на осум. Во следните пет минути пристигнаа седум пораки со прашањето кој си заминал, по што беше отворена посебна група за да се утврди тоа.

„Најпрво му пишавме приватно на Мартин, зашто тој единствен не праша кој недостига. Ни рече дека од вчера нема поим што пишуваме, па го додадовме во новата група да му објасниме“, изјави еден од пријателите. Таму Мартин потврдил дека сакал да излезе без никој да прави муабет за тоа.

Друштвото потоа почнало да гласа дали да го врати во старата група. Мартин предложил наместо тоа да ја избришат новата. До крајот на вечерта, четворица ја напуштиле новата група тивко, а двајца јавно објавиле дека ќе си заминат штом се утврди кој си заминал.

Апликацијата понудила анкета за новата функција. Другарите ја препратиле во двете групи, а Мартин им одговорил во живо, на клупата на која и онака се гледаат секој петок.