Геофизичари што мереа отстапувања на магнетното поле на каменеста ливада вчера го лоцираа северот под столот на колегата задолжен да ги запишува резултатите. Наодот се поместил шест метри кон сенката кога колегата станал и си го понел столот. Тимот го замолил да почека таму додека утврдат дали се поместило и нешто друго.

„Првите три мерења ги правев веднаш до него за да не морам да му довикувам“, рече раководителката. „Четвртото го направив од спротивната страна и иглата пак покажа кон него. Му реков да се тргне. Се тргна заедно со столот, што во тој момент ми изгледаше како соработка.“

Тимот потоа го замолил колегата да се врати без столот. Иглата останала мирна, а колегата прашал каде да седне за да го запише тоа. Му покажале на камен на другиот крај од ливадата, по што сите мерења конечно почнале да се совпаѓаат.

Во извештајот научниците навеле дека резултатот може да се повтори. За независна проверка, на следниот тим му го оставиле столот и му кажале дека најдобро се седи во сенка.