Астроном што синоќа броеше метеори со колешката пропушти три по ред откако на првиот, кој таа му го покажа, ги затвори очите и посака да види метеор. Додека ја довршувал желбата, колешката забележала уште две светлечки траги. Тој ја замолил да не му кажува дали се исполнила додека не ги отвори очите.

„Ми рече ене го, ама јас погледнав таму каде што покажуваше, не таму каде што веќе беше“, рече астрономот. „Си реков за следниот ќе бидам подготвен. Потоа ми текна дека можам да си посакам да го видам, само не сакав да избрзам со формулацијата.“

Кога ги отворил очите, колешката му ги покажала трите времиња во белешките. Тој побарал барем првиот да се води како заедничко набљудување, бидејќи и двајцата реагирале на него. Таа го прашала што точно видел. Одговорил дека видел на која страна покажала и дека од таму натаму се потпрел на нејзината процена.

Пред да си одат, астрономот побарал уште пет минути за четвртиот метеор. Колешката се согласила под услов овојпат да си посака нешто што не мора да го види.