Пар од Скопје синоќа ја префрли расправијата од дневната на телефон откако двајцата утврдија дека станот е премал за некој убедливо да си замине. Таа се повлекла во кујната и му се јавила на партнерот, кој останал на троседот. Договорот бил секој да го каже своето, па оној што прв ќе заврши да може да спушти.

„Спуштив и првпат ми олесни. После го слушнав низ ѕид како вели дека баш сега доаѓал до главното“, рече жената. Повторно му се јавила за да му каже дека разговорот е завршен. Тој ѝ се заблагодарил што се јавила и продолжил од таму каде што застанал.

По третиот прекин, двајцата почнале да внимаваат што зборуваат откако ќе спуштат, бидејќи од кујната се слушало подобро отколку на линија. Мажот предложил едниот да излезе од станот. Жената се согласила, но побарала прво да се договорат кој ќе остане да ја доврши вечерата.

На крајот се договориле да зборуваат утре. Кога се сретнале во ходникот, таа го прашала дали мисли утре на телефон или утре дома.