Скопјанка што шест години живее во истиот стан, по последното ажурирање на домашниот систем се вселила 14 пати за една недела. Системот ја почнувал постапката за нов станар при секое нејзино враќање од контејнерот, со гласовно добредојде и обиколка на просториите што самата ги опремила.

„Најмногу ме нервира кога ми покажува каде е бањата. Ако не потврдам дека сум ја нашла, ми ја покажува пак следниот пат“, рече станарката. Од техничката поддршка ѝ објасниле дека системот ги памети поставките од претходниот станар, па може да побара да ѝ ги префрлат.

Барањето било одбиено затоа што претходната станарка сè уште немала одобрено пренос. Жената излегла на скалите за да го даде одобрението од стариот профил. Додека се вратила внатре, станала петнаесеттата станарка и добила известување дека четиринаесеттата оставила нерешени обврски.

Поддршката ѝ предложила фабричко ресетирање, по кое ќе може да почне одново. Таа побарала само да го исклучат добредојдето. Барањето го препратиле до одделот за иселување.