Скопјанка што се обидела да најде стара фотографија од одмор доби известување дека ќе може да ја види за четири дена, кога ќе се навршат седум години од објавувањето. Социјалната мрежа ги преместила нејзините стари објави во делот за спомени, каде што секојдневно ѝ покажува што објавила на тој датум.

„Ми требаше само да проверам како се викаше местото. Ми предложи дотогаш да се потсетам на една среда кога сум пишала дека е среда“, рече корисничката. Потоа го замолила другарот што бил со неа да ја побара истата фотографија. Кај него била достапна веднаш, бидејќи тогаш заборавил да ја објави.

Од поддршката ѝ објасниле дека може да ги врати старите објави на профилот, но со тоа ќе престане да добива известувања за нив. Таа ја прифатила промената. Системот побарал да почека додека ги подготви објавите за враќање.

Четири дена подоцна ја добила фотографијата. Под неа веќе имало ново известување со потсетник дека пред четири дена сакала да ја види.