СКОПЈЕ — Тројца другари во саботата го преместија местото за средба во паркот под прозорецот на четвртиот, откако тој на последните три средби стигнал по најмалку половина час. Се договориле да се најдат во шест. Во шест и пет тој им пишал да му јават кога ќе тргнат, за и тој да почне да се спрема.

„Му реков дека сме долу. Ме праша дали сум само јас или стварно сме сите“, рече Јана, која го предложила паркот. За да му докажат, тројцата станале од ѕидчето и му мавнале. Тој им вратил со рака од прозорецот, па им пишал дека може да седнат додека се облече.

Во шест и дваесет, друштвото решило да прошета еден круг. Другарот се симнал додека ги немало и им пишал дека ги чека на договореното место. Кога се вратиле по неколку минути, ги прашал зошто воопшто договараат час ако секој ќе доаѓа кога сака.

За следната средба тој самиот предложи да се најдат во шест. На другарите им рече да си дадат доволно време, бидејќи ќе се чека пред нивна зграда.