СКОПЈЕ — Дваесет и деветгодишен скопјанец доби известување дека порталот привремено му го заклучил профилот и дека може да го отвори со резервен код. Кодот го чекал во сандачето на заклучениот профил. Известувањето завршувало со благодарност што ја сфаќа сериозно безбедноста на своите податоци.

„Во пораката пишуваше дека кодот е достапен само за мене“, рече корисникот. „Кога побарав да ми го пратат на мејл, ми рекоа дека прво треба да потврдам дека мејлот е мој.“ За потврда, порталот испратил уште една порака во истото сандаче.

Од поддршката му предложиле да назначи доверливо лице што ќе може да потврди кој е. Тој ја избрал сестра му, која веќе имала профил. Таа стигнала до последниот чекор, каде што порталот ја замолил да почека брат ѝ да ја одобри како доверливо лице.

Следниот ден, на прашањето дали некој сепак може да му го отвори профилот, од поддршката му одговориле дека тоа би било сериозен безбедносен пропуст. За таа забелешка, рекле, ќе добие известување во сандачето.