Сеизмолози што испитуваа зошто секое утро во исто време се тресе една скопска зграда го лоцираа изворот на балконот на првиот кат. Станарот таму во седум и десет ја влечел столицата до оградата за да види дали има сонце. Во седум и дванаесет ја враќал до вратата, откако ќе утврдел дека уште му е ладно.

„Првиот сигнал го добивме кога седна. За вториот го замоливме да стане како што станува кога му е ладно. Ни рече да почекаме, ќе му залади само од себе“, рече сеизмологинката. Откако станал, сосетката одоздола излегла да им каже дека тој вториот го слуша и кога прозорците ѝ се затворени.

Тимот го замолил станарот утредента да ја крене столицата наместо да ја влече. Во седум и десет не се поместило ништо, па двајца соседи се качиле да проверат дали е добро. За да им покаже дека е, станарот ја довлечкал столицата до вратата и им понудил да седнат.

Во извештајот тимот навел дека тресењето престанува кога станарот е сам. За викенд, кога му доаѓаат гости, ќе мерат и на вториот кат.