СКОПЈЕ — Семејство што во неделата се собрало на ручек му остави празна столица на братучедот што претходно јавил дека нема да дојде. Домаќинката објаснила дека местото е негово и дека ќе може да седне ако се премисли. До почетокот на ручекот, тројца веќе ѝ објасниле на столицата зошто требало да се јави порано.

„Ми беше полесно да му кажам додека го нема. Кога е тука, веднаш ќе ми објасни дека бил на работа“, рече братучетка му. Брат ѝ предложил да ја тргнат столицата за да има повеќе простор. Таа го замолила да почека, бидејќи уште не стигнале до минатата недела, кога братучедот дошол, ама си заминал прв.

Братучедот се појавил пред крајот на ручекот. Кога тргнал да седне, домаќинката му донела друга столица од кујната. Му рекла дека од таа страна полесно ќе чуе што зборувале за него додека го немало. Тој седнал и прашал зошто никој не му се јавил.

Домаќинката му одговори дека сакале да го остават на мир. Потоа се сврте кон празната столица и ја праша дали барем за тоа има забелешка.