Една општина во средата свечено отвори јавна чешма и ги замоли жителите да донесат вода за да го испробаат одводот. Чешмата е поставена во центарот на маалото, каде што, според проектот, ќе им биде на дофат на сите што досега морале да одат дома по вода. Приклучокот е оставен за втората фаза.

„Истуривме два литра и сè си отиде како што треба“, рече раководителот на проектот. Од првиот ред една жителка прашала дали може да наполни шише. Раководителот ѝ објаснил дека за денешната проба шишињата требало да се донесат полни. Нејзиното празно шише го искористиле за да покажат каде ќе се држи кога ќе потече вода.

По церемонијата, водоводната екипа утврдила дека за приклучокот ќе мора да се тргнат плочките поставени околу чешмата. Општината побарала да се почека да поминат првите организирани посети, бидејќи на фотографиите за отворањето плоштадот веќе изгледал завршен.

За пуштањето вода ќе има посебна церемонија. Овој пат од жителите е побарано само да донесат нешто за да наздрават.