Жена што го прослави роденденот со тројца пријатели побара да не ѝ пеат, по што гостите се договорија да ја изведат само паузата пред нејзиното име. Првично планирале да прескокнат само еден стих. Славеничката ги потсетила дека побарала да го прескокнат и делот во кој сите ја гледаат додека таа чека да завршат.

„Реков да продолжиме со муабетот како и досега. Тогаш сите замолчеа и ме погледнаа за да видат дали така ми одговара“, изјави жената. Една пријателка предложила секој да каже по еден збор од честитката во различен момент, за да звучи како обичен разговор.

Првиот гостин рекол „среќен“ среде муабет за паркирање. Вториот чекал да му дојде редот, но во меѓувреме некој сменил тема. Кога третиот конечно го кажал нејзиното име, сите се свртеле кон неа од навика. Славеничката им рекла дека можат слободно да завршат.

На крајот никој не запеал. Гостите ја замолиле да почека со станувањето, бидејќи не знаеле дали е време за аплауз.