СКОПЈЕ — Дваесет и осумгодишната Марија почна намерно да ги пишува зборовите погрешно за телефонот да ѝ ги поправи како што треба. Новата навика ја вовела на автобуска постојка, откако трипати напишала „доцнам“, а пријателката трипати добила порака дека Марија доаѓа. Четвртиот пат напишала „доцннам“ и конечно била разбрана.

„Ако го напишам зборот правилно, телефонот мисли дека сум сакала да кажам нешто друго. Ако утнам две букви, ми верува“, рече таа. Досега составила список од дваесетина грешки со кои може да испрати точна порака. На мајка ѝ ѝ пратила список за да знае дека чудните зборови се за телефонот, а не за неа. Мајка ѝ го вратила со црвено подвлечени поправки.

Марија утрово се обидела да ја исклучи автокорекцијата, но тогаш на работа испратила „доцннам“ од навика. Колешката ѝ одговорила дека се пишува „доцнам“. Марија го вклучила телефонот повторно и ѝ напишала дека е во право. Колешката добила порака дека е во Прилеп и прашала дали воопшто да ја чекаат.