Еден европски конзулат вчера ѝ одобри краток престој на патничка откако таа докажа дека има закажан термин за следната виза два дена по враќањето. Претходно службеничката побарала доказ дека жената навистина планира да се врати. Повратниот билет го примила како доказ дека патничката има намера да патува и во обратна насока.

„Им покажав дека во понеделник сум на работа. Ми рекоа дека и работата може да ја откажам. Кога видоа дека следниот термин сум го чекала четири месеци, првпат се согласија дека имам добра причина да се вратам“, рече патничката.

Службеничката потоа забележала дека второто барање е за истиот град. Побарала да објасни зошто сака повторно да оди таму пред да замине првиот пат. Патничката рекла дека го закажала терминот за секој случај, бидејќи не знаела кога ќе го добие првиот. Одговорот бил внесен како доказ за долгорочно планирање.

При подигнувањето на пасошот ѝ рекле дека може да го откаже вториот термин ако повеќе не ѝ треба. Само прво нека се врати, за да не ѝ пропадне првата виза.