Куќен совет во една скопска зграда го вароса влезот и скалиштето до првиот кат, откако на состанокот за бојадисување присуствуваа само станарите од приземјето и првиот. Тие решиле работата да почне таму каде што има поддршка. На вториот кат мајсторот застанал среде скалило за да не навлезе во делот за кој немало одлука.

„Сите поминуваме низ приземјето, па сите добивме нешто. Проблемот е што некои од нас потоа продолжуваат нагоре“, рече станарка од четвртиот кат. Таа предложила следниот состанок да се одржи кај неа, за долните катови да видат во каква состојба се ѕидовите.

Претседателот на советот се согласил да ја стави точката на дневен ред, но побарал предлогот да се потврди на состанок во влезот. Станарите од горните катови слегле, а неколкумина од приземјето веднаш предложиле прво да се поправат трагите што ги оставиле мајсторите.

Советот едногласно одлучи повторно да го вароса приземјето. За горните катови, како доказ дека бојата е добра, ќе испратат фотографија.