Една скопска општина во понеделникот ја прошири оградата околу новиот тревник откако на првата контрола утврди дека целата трева никнала надвор од неа. Во заградениот дел, каде што два месеца беше забрането газење, сè уште има гола земја. Покрај патеката, каде што минува цело маало, тревата веќе стигнала до глужд.

„Првично мислевме дека луѓето прескокнуваат и газат внатре. Потоа забележавме дека тревата најдобро напредува токму на местото каде што ги заобиколуваат вирчињата“, рече вработена во службата за зеленило. Според неа, било поевтино да се премести оградата отколку да се утврди што му недостига на тревникот.

Со проширувањето, жителите ја изгубиле патеката до автобуската постојка и почнале да одат по голата земја од другата страна. По првиот дожд и таму никнала трева. Службата побарала уште една ограда, со образложение дека првата дала резултати на две локации.

Општината најави дека следната парцела ќе ја подготви напролет. За почеток ќе огради сè околу неа.