СКОПЈЕ — Пратеничка комисија по три недели расправа усвои предлог за пократки седници со кој паузата се намалува од дваесет на петнаесет минути. Времето за говор останува исто, откако претставниците на сите групи побараа уште по десет минути за да објаснат зошто нивното излагање не може да се скрати.

„Првично предложивме секој да зборува по пет минути. Потоа се јавија деветмина да кажат дека пет минути им се доволни“, рече претседавачката. На второто читање еден пратеник предложил да се скратат само репликите. Колегите веднаш побарале реплика за да утврдат дали предлогот се однесува и на нив.

До третата недела комисијата успеала да утврди дека паузата е единствениот дел од седницата за кој никој не побарал збор. Предлогот бил усвоен откако на пратениците им потврдиле дека секој што ќе се врати пет минути подоцна и натаму ќе може да се пријави за дискусија.

Новото правило требаше да се примени веднаш. По петнаесет минути претседавачката се врати во празна сала и ја продолжи паузата додека да се собере кворум.