Една партија вчера првпат ја пренесуваше седницата на раководството во живо, со образложение дека граѓаните треба сами да видат што се случува зад затворени врати. Камерата беше насочена кон празен ѕид. Во првите десет минути се слушна поздравот на претседателката, а потоа некој од присутните праша дали ѕидот е доволно осветлен.

„Сакавме да избегнеме кадар во кој некој член ќе изгледа поважен од другите. Ѕидот беше единствениот што никој не го оспори“, рече член на организацискиот тим. На прашањето дали може да се слушне расправата, тој објасни дека звукот ќе го вклучат веднаш штом усогласат што било кажано.

Пред гласањето, еден член станал и случајно влегол во кадар. Претседателката побарала да седне бидејќи јавноста во тој момент го следела усвојувањето на дневниот ред. Членот се извинил и гласал од своето место, зад камерата.

По седницата, партијата објави дека преносот го гледале три илјади луѓе. Најгледан бил моментот кога членот влегол во кадар. За следната седница ќе го замолат да не доаѓа.