Скопски пар вчера се всели во првиот заеднички стан и на прагот двајцата истовремено прашаа каде да се собујат. Дотогаш се гледале главно кај неа или кај него и секогаш знаеле кој прв влегува. Во новиот стан и двајцата собуле по една патика, па почекале другиот да им покаже каде се оставаат.

„Му реков да се чувствува како дома, од навика“, рече жената. „Ми рече фала, и ти исто. Потоа застанавме во дневната и чекавме некој да каже седнете. До тој момент немавме ни кауч, така што никој не се чувствуваше обврзан да брза.“

Кога заѕвонила мајка ѝ да види како поминало селењето, двајцата тргнале да отворат. Таа влегла, сама си ги оставила чевлите до ѕидот и ги прашала зошто стојат. Парот седнал на под, а таа ги замолила да ѝ покажат каде планираат да седат гостите кога ќе дојдат.

Пред да си оди, мајката им рекла дека следниот пат ќе наврати без најава, штом веќе се свои. И двајцата ѝ рекле дека мора прво да проверат дали ќе бидат дома.