СКОПЈЕ — Пациентка на очен преглед ги кажа сите букви од таблата, вклучително и последниот ред, кој лекарката во меѓувреме го покрила. Таа чекала четириесет минути пред отворената врата на ординацијата и ги слушнала сите пациенти пред неа како се обидуваат да ја прочитаат истата табла.

„Кај третиот човек сфатив дека сите грешат на истото место, па ја запомнив исправката“, рече пациентката. Кога лекарката ја замолила да го покрие другото око, таа ги кажала буквите побрзо, бидејќи веќе знаела и во кој момент ќе ѝ речат да премине на следниот ред.

Лекарката потоа ја сменила таблата и прашала што гледа на врвот. Пациентката побарала да почека уште малку. Од ходникот се слушнало како следниот пациент шепоти дека на врвот има големо Е. Лекарката ја затворила вратата, по што однадвор некој тропнал да праша дали може да ја остават подотворена.

На крајот лекарката ѝ закажа нов преглед и ја замоли да дојде точно во терминот. Пациентката праша дали барем може однапред да ѝ кажат од која табла ќе биде.