Една македонска општина во понеделникот воведе еднонасочен сообраќај во улица што завршува со ѕид. Новиот режим го регулира влезот, а првата пријава за проблем стигнала од станарка што утрото тргнала на работа. На крајот од улицата го затекнала истиот ѕид, кој го имало и на скицата приложена кон решението.

„Се јавив да прашам од каде се излегува. Ми рекоа дека стрелката е јасна. Им реков дека и ѕидот е прилично јасен“, рече станарката. Од службата ѝ предложиле да го остави автомобилот и да продолжи пеш, бидејќи ограничувањето важи само за возила.

До пладне општината предложила стрелката да се сврти за да можат да излезат сите што веќе влегле. Станарите се согласиле, но побарале промената да се направи откако ќе се вратат од работа. Службата им одговорила дека во тој случај повторно ќе ги затекне внатре.

За следната недела општината најави пробен режим со наизменично влегување и излегување. Првите два часа се резервирани за влез на екипата што ќе ја сврти стрелката.