СКОПЈЕ — Друштво од шестмина ја избра единствената другарка што се изјасни дека не оди да го организира заедничкиот викенд. Останатите петмина одговориле дека се за, но дека ќе можат да потврдат штом некој каже каде, кога и со кого ќе делат соба. Другарката што не оди прва дала конечен одговор, па заклучиле дека најдобро се снаоѓа со одлуки.

„Им кажав дека сабота работам. Ми рекоа дека тогаш најлесно ќе ме најдат ако нешто им затреба“, рече таа. Во четвртокот им предложила две места, а до петокот секој ѝ се јавил посебно да ѝ каже кое не му одговара. На крајот избрала трето, за да имаат за што да разговараат по пат.

Кога требало да се поделат собите, двајца побарале таа да одлучи, бидејќи нема личен интерес. Другарката ги сместила заедно. Двајцата веднаш се согласиле да си ги сменат собите со други двајца и за првпат сами си се јавиле.

Друштвото тргна во сабота. Во неделата ѝ пишаа дека одлично си поминале и дека следниот пат мора да дојде. Таа одговори дека тогаш е слободна. Оттогаш никој нема предложено датум.